Myndir: Silja Fredriksberg. Angela Andersdóttir

Myndir: Silja Frederiksberg og Angela Andersdóttir

myndir: Sesilia Jacobsen

Myndir: Silja Frederiksberg

Myndir: Hanna Frederiksberg

Myndir: Hanna Frederiksberg

Myndir: Silja Frederiksberg

Myndir: Silja Frederiksberg

Myndir: Hanna Frederiksberg

Myndir: Lydia Frederiksberg

Myndir: Sara Høj

Myndir: Dávid í Lág & Lydia Frederiksberg

Hetta var síðsta vikan, áðrenn børnini í frískúlanum fingu summarferiu. Tann vikan er ofta heldur øðrvísi og upplivingarrík. Nógvir túrar vórðu gjørdir, og skúlin hevði leigað tveir bussar, sum flokkarnir skiftust um at fara longri túrar við.

TeenStreet
Vegna heimsumstøðurnar, verður TeenStreet skipað á øðrvísi hátt í ár. Legan, ið vanliga er í Týsklandi, verður í ár skipað á netinum, og síðani er ætlanin at bólka ungdómin í smærri eindir í samkomunum í Føroyum og øllum teimum londum, ið vanliga eru umboðað á TeenStreet.

Tað heilt serliga í ár er, at tónleikurin á TeenStreet verður framleiddur í Føroyum av føroyingum. Hetta varð upptikið í Kelduni gjøgnum vikuna. Raclip stóð fyri upptøkunum, og fleiri sangarar og tónleikarar úr Kelduni vóru í orkestrinum.
Vit gleða okkum til at síggja hesar upptøkur og gleðast um, at tær fara at koma so víða um í heiminum.

Vikuskiftið
Leygarkvøldið var Awake partur av upptøkunum til TeenStreet. Sjálvsagt var nógvur sangur á skránni og Bjørgfinnur hevði eitt orð. Hetta varð ikki stroymt vegna upptøkurnar.

Sunnudagin var morgunmøti. Jastrid legði út við Mat. 18,20: Tí har sum tvey ella trý eru savnað saman í navni Mínum, eri Eg mitt ímillum teirra.
Gud er tann sami og ger undurverk enn í dag.

Áðrenn lovsang og talu, varð lítla Oydis hjá Jórunn og Ingvar signað.

Pauli Høj hevði eina talu undir yvirskriftini: "Gleði". Guds orð sigur aftur og aftur, at vit sum Guds fólk skulu gleðast. Men tað koma tíðir, tá man kennir, at trúgvin/gleðin verður roynd.
"Tá tú fert gjøgnum torførar tíðir, kanst tú uppliva at har er ein gleði og styrki, ið stingur djypri; ein innara gleði, ið ber teg ígjøgnum", var nakað av tí, ið Pauli segði í taluni.

Myndir: Sara Høj

Hóast skráin hevur verið sera skerd seinastu tíðina, eru bønarmøti hvønn mánadag. Um vit øll geva ein tíma í bøn einaferð um mánaðin, bera vit eina stóra byrðu í felag. Bønarmøtini eru mánadag kl. 17-18.

Leygarkvøldið talaði Øyvind Bjerkenes. Hann tosaði m.a. um, at Gud raðfestir menniskjað sera høgt og elskar menniskjað, men at andaverðin finst, og vit kunnu verða drigin ein og annan veg, men Guds orð sigur: Tráið eftir tí, sum omanfyri er, ikki eftir tí, sum á jørðini er! Kol. 3:2.

Sunnudagin talaði Sunniva Poulsen. Hon tosaði um gleðiboðini um, at okkum er ein frelsari føddur. Mong menniskju kenna seg ráðaleys í lívinum. Heimurin manglar Jesus! Vit kunnu øll bera boðini um Jesus, har vit eru - í tí umhvørvi og leikluti, vit eru í. Havandi eyguni vend á Jesus!

Aftaná møtið var suppa til keyps, umframt at pylsuvognur stóð uttanfyri. Seinni varð farið samkomuútferð til Prestá á Skála. Ein sera hugnalig løta við góðum veðri, kaffi, vafflum og nógvum smílandi andlitum :)

Myndir: Eliana H. Olsen

"Er rúm fyri Jesusi?" Hetta er evnið, ið Annika Høj talaði út frá leygarkvøldið. Vit hava nógvar avgerðir at taka í lívinum - summar stórar og summar minni stórar - men í øllum hesum, er tá rúm fyri Jesusi í gerandisdegi og á lívsleið okkara!

Tað hendir enn!
Hetta er tað, ið Búgvi Olsen talaði um sunnudagin. Vit lesa um undur, ið hendu í Bíbliuni, men undrini henda enn! Kraftin í evangeliunum kann enn í dag seta menniskju í frælsi.

Róm. 1:16
Tí eg skammist ikki við evangeliið; tað er jú kraft Guds, hvørjum tí til frelsu, sum trýr, bæði Jøda - fyrst - og Grikka.

Myndir: Lydia Frederiksberg

Vit kenna tað kanska nógv...."Man Gud veruliga elska meg? Eg veit, at Gud elskaði heimin, men meg?" Soleiðis byrjaði Ólavur Jacobsen taluna leygarkvøldið. Hann vísti á, at vit mangan kunnu tyngja okkum niður av skuldakenslu og halda, at Gud kann ikki brúka okkum, og at Hann elskar hini meir. Men soleiðis er ikki! Evnið, ið Ólavur tosaði útfrá hvítusunnuaftan, er: Heilagi Andin.

Sunnudagin var nakað serligt á skránni - fleiri ungdómar vórðu signaðir. Á hvítusunnu á hvørjum ári, er ungdómssigning. Hetta er ein løta, har biðið verður yvir ungdómin um 14 ára aldur - tá tey eru á gáttuni til vaksna lívið. Pauli Høj bar ein boðskap fram, áðrenn biðið varð.

Myndir: Sonja I. Jacobsen

Vit hava fingið tey gleðiboð frá Pál Weihe, at vit nú kunnu rúma fleiri fólkum í salinum. Salurin er stórur, og boðini eru, at ovara hæddin kann roknast sum eitt rúm og niðara hæddin sum eitt rúm. Tí sleppa vit nú undan at hava tilmelding til møtini - øll eru vælkomin. Vit halda tó tilmælini og ansa eftir at skipa alt á skynsaman hátt.

Leygarkvøldið talaði Jóhan Petur Johannesen. Hann talaði um evnið: "Jesu afturkoma". Sera áhugavert!

Sunnudagin var familjumøti. Endilia vóru vit savnaði aftur sum ein familja - børn, vaksin, ommur, abbar, ja allir aldursbólkar savnaðir aftur :) Eyð leiddi møtið, og vit fingu nógvan góðan sang. Mirjam Høj greiddi livandi frá um Jónas, ið ikki vildi fylgja boðum Guds. Men tá hann, eins og Paulus og Silas, vendi sær til Gud í yvirgevilsi og tilbiðjan, broyttust umstøðurnar (spola uml. 30 min. inn í stroymingina, um tú vilt hoyra søguna).
Á skránni var eisini Kahoot spurnakapping, og at enda greiddi Leif Høj frá um bøn.

Myndir: Sara Høj

Hendan vikan gjørdist heldur øðrvísi. Týsdagin fór okkara elskaði og trúfasti vinur, Jógvan Martin Høj, av hesi fold. Hann hevur verið trúfastur at bygt Guds samkomu mestsum alt sítt lív. Hann var ein av stovnarunum av Kelduni og hevur verið við at bygt samkomuna og verið andaliga fúsur øll hesi ár. Leygardagin fór Mass til gravar, og vit standa eftir í takksemi fyri alt, ið hann hevur verið fyri samkomuna, familjuna, samfelagið og Guds ríki.

Leygarkvøldið var Awake. Nógvur lovsangur var á skránni, nú vit endiliga aftur kunnu prísa Gudi saman í Guds húsi. Síðani talaði Bjørgfinnur út frá evninum: "Bygg múrin uppaftur".

Sunnudagin hevði Rúni Rasmussen ein kraftmiklan og trúarstyrkjandi boðskap um Guds ríki.

Myndir: Sonja I. Jacobsen

Hetta var vikan, vit leingi hava bíðað eftir.....tá vit aftur kundu hittast í Kelduni til møtir. Sanniliga gleðiligt, men enn vantar okkum, at øll kunnu savnast í senn og eisini drekka kaffi og práta saman. Hetta kunnu vit gleða okkum til.

Leygarkvøldið var Awake - frá hjarta til hjarta. Í høvuðsheitum var bøn og lovsangur á skránni.

Á møtinum sunnudagin talaði Ólavur Jacobsen, og evnið var: "Okkara samleiki í Kristusi".

Barnamøti var á netinum, sum tað hevur verið seinastu tíðina.

Myndir: Silja Frederiksberg, Lydia Frederiksberg & Dávid í Lág

Leygarkvøldið sóu vit, at Bjørgfinnur og Pætur vóru biltúr við upptøkutólinum. Teir koyrdu runt og vitjaðu fleiri ung á Skálafjørðinum, sum greiddu frá og komu við einari uppmuntran.

Sunnudagin høvdu Birita og Búgvi Olsen ein kveikjandi boðskap um hjúnabandið.

Á barnamøtinum hava Sunniva og Tóri eina røð í trimum pørtum um Paulus. Fyrsti partur var síðsta sunnudag, og síðsti partur verður næsta sunnudag.

Leygarkvøldið tosaði Búgvi Olsen á Online Awake. Hann tosaði um nógvu tilráðingarnar, vit í dag eru rádd til at fylgja, men fyri nógvum árum síðani var ein, ið segði “Fylg Mær!”, og Hann sigur tað enn í dag.

Sunnudagin hevði Pauli nøkur uppmuntrandi orð, áðrenn pastor Lia úr Heart of God Church í Singapor hevði ein boðskap at bera fram. Hon tosar um evnið: “Húsið er ikki heimið”.

Á Online Barnamøtinum greiddu Sunniva og Tóri frá søguni um Saul, sum forfylgdi teimum kristnu og um Ánanias, sum av Gudi varð sendur til Saul at bera honum góð tíðindi og grøðing frá Gudi.

Myndir frá upptøkunum: Dávid í Lág

Leygarkvøldið leiddi Ingibjørn Awake Online, har talan við Sebastiani Stakset varð endursend. Sebastian greiddi frá rokaliga lívi sínum, sum varð fullkomiliga broytt, tá hann møtti Jesusi.

Sunnudagin talaði Ólavur Jacobsen út frá versinum í 1. Pæt. kap. 3, vers 18 um Jesus, ið doyði á krossinum fyri syndir okkara, so Hann kundi leiða okkum til Gud.

Á online barnamøtinum greiddi Steffan Frederiksberg á ein livandi hátt frá søguni um Hadassu, sum fekk nýtt navn og eina nýggja byrjan við navninum Ester.

Keldan var í samstarvi við Oasuna og Soli deo Gloria um at skipa páskastevnuna 2020. Øllum kunnugt var páskastevnan á netinum í ár. Samkomurnar skipaðu hvør í sínum lagi eitt møti, ið varð samskipað í eina stenvu.
Keldan hevði ábyrgd av langafríggjadegi, og upptøkurnar til tað møtið vórðu gjørdar í Kelduni við Pæturi á odda.

Myndir: Dávid í Lág

Hesa vikuna var stórt arbeið lagt í at gera takkarkurvar, sum blivu koyrdar út til allar deildir í øllum trimum sjúkrahúsunum umframt nakrar leiðandi persónar. Í alt vórðu 57 kurvar bornar út - vónandi kann hetta hava verið til uppmuntran og gleði til móttakararnar.

Hesa vikuna hava ungdómsleiðslan og húsbólkaleiðslan eisini fundast í frástøðu, og vit hava fingið myndir sendandi.

Eisini hava vit fingið myndir frá upptøkunum til Online-møtini, og ikki minst hava vit fingið nógvar myndir frá samkomuni/familjuni, har vit nú øll sita og fylgja við í hvør sínum lag. Hetta er at gleðast um...til vit aftur kunnu hittast sum ein familja inni í Kelduni.

Samfelagið er enn merkt av korona, men samkoman heldur fram at virka á netinum.

Einaferð um mánaðin fundast elstaráðið. Hesa vikuna var tíð til at fundast, men tað mátti gerast í frástøðu. Tí møttust elstarnir í Lonini. Í elstaráðnum eru Pauli, Búgvi, Joan Pauli, Henning og Ólavur.

Stórur upptøkudagur var aftur hesa vikuna. Tá vórðu spældir inn fleiri lovsangir, ið koma út í næstum. Eisini var familjumøti á skránni - tað vil siga, at hesa vikuna vóru sunnudags- og barnamøtið samansjóðað í eitt møti fyri øll.

Hesa vikuna hava vit hildið á at havt samkomu á netinum. Undarligt er at hava eina samkomu uttan bygning og uttan beinleiðis samfelag – men takk til tey dugnaligu, ið geva okkum sang og andaliga føði út í stovur okkara.

Hesa vikuna vóru aftur trý møtir Online.

Leygarkvøldið hoyrdu vit Fríða Sigurðsson tosa um evnið: “Hvar er títt fokus?”

Sunnudagin talaði Búgvi Olsen út frá evninum: “Óttast ikki, trúgv bert”.

Á barmamøtinum var tað Birita Olsen, ið fortaldi søguna um Móses.

Myndirnar frá upptøkudegnum hevur Dávid í Lág tikið.

Hetta hevur verið ein heldur øðrvísi vika, nú alt um Corona fyllir so nógv.

Tilmælini frá landsins myndugleikum hava m.a. verið, at vit ikki eru í ov stórum mannamúgvum, og at vit reika sum minst.

Hetta hevur fingið okkum í Kelduni at skipa okkum øðrvísi í eina tíð - møtini eru flutt á netið. Lukkutíð hava vit nógv dugnalig fólk, ið duga væl at nýta tøknina, og hetta er komið serliga væl við nú.

Leygardagurin var stóri upptøkudagurin. Tá vórðu øll trý møtini upptikin, og okkara lítla toymi við dugnaligum fólki innan video, grafikk og tøkni arbeiddi víðari við hesum, fyri at gera tað klárt at senda út í luftina.

Hendan vikan hevur verið ein arbeiðsvika burturav. Tað hevur verið rokaligt, og nógv er komið burturúr. Í høvuðsheitum hava Bjørgfinnur og Signar staðið fyri arbeiðinum at gera ábøtur í stóra sali, gongini og í Lonini. Arbeitt hevur verið hvønn dag og hvørt kvøld í vikuni, og í vikuskiftinum vóru serliga nógvar hendur til at mála, skrúva, vaska, pussa og mangt annað. Vit gleðast um samanhaldið og alt, ið komið er burturúr.

Til Awake leygarkvøldið, tosaðu Kristina og Oda um lovsang.

Sunnumorgunin talaði Rói Norðoy um at hoyra Guds rødd og um dýpi hjartans.

Arbeiðsmyndir: Bjørgfinnur og Sonja
Møtimyndir: Lydia A. Frederiksberg

Myndir: Lydia Frederiksberg

Hesa vikuna var Junior. Junior er týskvøld umleið fjórðu hvørja viku fyri aldursbólkin 3.-7. flokk. Vanliga er ein søga at hoyra ella ein løtt undirvísing. Annars er nógv spæl á skránni - ferð er á, og børnini stuttleika og hugna sær. Endað verður altíð við eini lættari máltíð.

Hesa vikuna var Ann Randi kokkur mikudagin, og hon hevði nakrar fittar hjálparar til uppvask o.a.

Eitt væleydnað MiniTeenStreet tiltak hevur verið í Runavík um vikuskiftið...tí var einki AWAKE hesa vikuna.

Sunnumorgunin hevði elsti okkara, Henning Hansen, eitt uppmuntrandi orð til okkara, og Lissi Hansen hevði eina kraftmikla talu um evnið : “Jesus sum sigursharri”.

Hendan vikan í Kelduni hevur havt nógv at bjóða – bæði av andaligari føði og felagsskapi.
Mikudagin hevði Kafé Keldan opið við grill á matskránni, og kl. 19 var bíbliuundirvísing, har Búgvi undirvísti um Guds eginleikar.

Leygarkvøldið greiddi Bjørgfinnur frá - á ein væl undirbygdan hátt - hvussu Gud ynskir ”EIN TIL EIN”-samband við hvønn og ein.

Sunnudagin vóru tað fleiri, ið myndaðu møtið við frásagnum og vitnisburðum um Guds trúfesti og grøðing. Aftaná møtið var góður døgurði til keyps, sum Sverri og Hjalmar stóðu fyri at gera.

Vikuskiftismyndir: Hanna Frederiksberg

Gjøgnum hvørja viku fer mangt ymiskt fram í Kelduni. Hesa vikuna vísa vit við myndum ymiskt, ið hevur gingið fyri seg.

Hvørt mánakvøld venur lovsangbólkurin. Byrjað verður við bøn og onkur deilir okkurt, tey hava fingið; síðani byrjar venjingin. Tá stólarnir verða ruddaðir sunnudag eina ferð um mánaðin, setir lovsangsbólkurin stólarnar upp á pláss aftur.

Mikudagin hevði ein flokkur í skúlanum brandvenjing.

Kafé Keldan hevur opið hvønn mikudag frá kl. 17-19. Hesa vikuna vóru frikadellur á matskránni, og tey, ið vóru tilstaðar, fingu góðan sang frá systkjunum Kirstin, Bodil og Markus. kl. 19 var temakvøld, har Arni Zachariassen hevði ein fyrilestur um rúsmisnýtslu.

Hóskvøldið var Aglow í Kaféini. Birita I. Nybo talaði um evnið: ”Mamma, kenn tín myndugleika”. Áleið 80 kvinnur vóru møttar upp.

Longu kvøldið eftir byrjaði kvinnulegan undir heitinum: ”Vakið”. Um 100 kvinnur vóru tilmeldaðar, og var vikuskiftið pakkað við nógvum góðum undirvísingum, sangi, bøn, mati og hugna. Guds Andi var til staðar og nam við hjørtuni. Má Orðið vera komið í góða jørð, so tað kann bera ávøkst.
Kvinnurnar vóru forkelaðar, tí millum 20-30 mans vóru og tæntu við at gera mat, vaska upp og rudda av. Eisini var fitta Angela og hjálpti pápa sínum við døgurðanum fríggjakvøldið.

Awake er hvørt leygarkvøld, og fyri tíðina verður fokuserað á evnið ”EIN TIL EIN”, har lagt verður upp til, at øll hava ”ein til ein” samskifti við Gud, lesa 1 kap. um dagin og biðja. Hevur tú Instagram, kanst tú fylgja við á: awakeungdomur

Sunnudagin var møti við luttøku frá kvinnuleguni.

Myndir:
Gjøgnum vikuna: Ymisk
Vikuskiftismyndir: Sonja I. Jacobsen