Hjúnabandstænastan

Ein fyritreyt fyri trivnaðin og framgongdina í samkomuni eru sterkar og sunnar familjur og hjúnabond. Tí hevur Keldan eina tænastu burturav, ið arbeiðir við at stuðla hjúnabondum, sum vit trúgva eru grundleggjandi fyri trivnaðin í familjuni og í samkomuni. 

Hjúnabandstænastan hevur sum endamál at skipa fyri tiltøkum og skeiðum, sum kunnu vera við til at styrkja um hjúnabondini – bæði í okkara samkomu og hjá hjúnum uttan fyri samkomuna. 

Vit trúgva, at hjúnabandið er innsett av Gudi og hevur eina andaligan týdning. Vit trúgva eisini, at hjúnabandið hevur eina praktiska síðu, har vit hava brúk fyri ymiskum amboðum til at hjálpa okkum at byggja góð og sunn hjúnabond. 

Ætlanin er tí eisini (frameftir) at skipa fyri tiltøkum og skeiðum – t.d. temakvøldum, filmskvøldum og hjúnabandslegum, sum kunnu vera við til at hjálpa og stuðla hjúnum. Harafturat kunnu vit fáa til vega ráðgeving ella hjálp til pør, sum hava trupulleikar í hjúnabandinum. 

Í løtuni eru tað fýra pør, sum eru í hjúnabandstænastuni. Tey eru Alice og Jónhard Frederiksberg, Maria og Djóni á Boðanesi, Birita og Búgvi Olsen, Lydia og John Bjarni Frederiksberg.