Kaffitænastan
At vera í kaffitænastuni merkir, at mann játtar seg at gera kaffi og ábit klárt til møtini. Hetta er ein stór tænasta, ið fleiri enn 40 fólk eru við í. Lis Olsen, ið stendur fyri hesi tænastu, fegnast um, at tað eru so nógv við í hesi tænastu. “So noyðist man ikki at gera kaffi oftari enn kanska einaferð hvønn triðja mánað”. Hon fortelur víðari, at tá ið mann kemur upp í kaffitænastuna, er mann í einum holdi, so eingin stendur einsamallur av øllum upptakinum.
