Sunnukvøldið 3. desember kl. 20 verður sangløta við Betesdakórinum í Kelduni í Skálafirði.

Betesdakórið, sum hevur sungið í sera nógv ár, er eitt kór, sum er kent fyri sínar vøkru rytmisku sangir og meira stillu sálmar og sangir. Kórið hevur ferðast nógv kring landið og eisini uttanlands, t.d. í Íslandi, Danmark, Norra og Sveis. 

Kórið er, sum navnið sigur, heimahoyrandi í Betesda í Klaksvik og syngja nærum hvørt sunnukvøld har. Tað eru teir báðir, Árni Jacobsen og Torkil Mørkøre, sum leiða kórið. 

Á sangløtini í Kelduni fer kórið, saman við tónleikarum, at syngja nýggjar og eldri sangir, møguliga eisini onkran jólasang.

Øll eru hjartaliga vælkomin í Kelduna sunnukvøldið 3. desember kl. 20.

Tað er ókeypis atgongd, og ein góður drekkamunnur verður aftaná sangløtuna.