Nú stundar til samkomuleguna, sum verður um vikuskiftið. Byrjað verður fríggjakvøldið kl. 18.00. Vit finna okkum til rættis og fáa døgurða.

Kl.19.30 verður bíbliutími, og kl. 21.00 fara vit inn í stóra sal, har ”hosukvøldið” bíðar okkum. Aftaná spæl, stuttleika og lovsang í stóra sali, fáa vit kaffi og okkurt gott afturvið. Restina av skránni síggja tit á leguni :)

Vit fara at hava tveir 4. pers. pottar tøkar leygardagin, sum man kann tekna upp til. Um tit ynskja tað, mugu tit hava svimjiklæði við.

At taka við:

• Bíbliu, notatbók
• Hosur/inniskógvar - vit ganga ikki inni í útiskóm
• Útiklæði
• Rulliskoytur
• Svimjiklæði – svimjidrakt ella svimjishorts

Tey, ið sova á ovastu hædd:

• Dýnu/soviposa, seingjarklæði, kodda
• Handklæði, sjampo

Tey, ið sova í skúlastovu/felagsrúmi:

• Undirlag/madrassu
• Dýnu/soviposa, seingjarklæði, kodda
• Handklæði, sjampo

Leggið til merkis:

• Vit heita á øll foreldur um at gera børnunum greitt, at lyftan er ikki ein leika. Hon skal bert brúkast, um tað er neyðugt – trappan er eisini góð :)
• Øll foreldur hava til allar tíðir ábyrgd av egnum børnum. Vaktir eru ikki settar á ymisku økini, heldur ikki til hoppiborgir. Ikki náttarvaktir heldur. Hetta fyri ikki at leggja alt og nógvar fastar uppgávur á leguluttakararnar.
  
  
• Øll eru sett til at gera minst 1 uppgávu á leguni. Vit heita á tykkum um at hyggja at listanum og fylgja væl við, nær tit eiga tørn. Soleiðis at tykkara uppgáva ikki kemur at hanga á øðrum persóni. Um ikki liggur fyri ásetta tíð, kunnu tit býta um innanhýsis.
• Vesini á ovastu hædd eru til øll sovandi at nýta. Tey, ið sova í felagshøli, skulu hava atgongd til brúsuna.
• Vit eru til eina stóra samkomulegu, og vit fara óivað at hava nógvar góðar og minniligar løtur, ið verða fangaðar við kameranum á smart-telefonum. Men vit vilja heita á tykkum um ikki at leggja myndir út á sosialar miðlar uttan at biðja fólk um loyvi.
  Eitt myndafólk hjá samkomuni kemur kanska at taka myndir av ymiskum. Um man ikki ynskir, at onkur mynd skal liggja úti á keldan.fo, kunnu tit altíð siga frá.

(: Veking, Vøkstur, Vinalag :)