Smábarnafamiljur

Keldan ynskir, at allar smábarnafamiljur skulu kenna seg vælkomnar í Kelduna, og tí eru serligar umstøður til tey heilt smáu.

Smábarnarúm

Eitt smábarnarúm er knýtt at salinum, har foreldur/avvarandi kunnu vera við smábørnunum. Her er møguleiki at fylgja við møtinum, av tí at rútar eru inn í salin, og hátalarar eru í rúminum. Rúmið er ljóðdempað, soleiðis at onki hoyrist frá smábarnarúminum inn í salin.

Barnaansing

Undir møtinum er møguleiki hjá børnum í aldrinum 0-4 ár at fara í barnaansing. Hetta er skipað barnaansing, har nøkur vaksin ansa eftir teimum smáu børnunum, soleiðis at foreldur kunnu fáa møtið við. Barnaansingin er samstundis sum sunnudagsskúlin, og boð verða givin á møtinum, tá barnaansingin byrjar.

Annað

Á handikappvesinum í høvuðsgongini er ein skiftipúta, og har er møguleiki at skifta børnunum.

Í matstovuni eru nakrir barnastólar, soleiðis at tey smáu børnini eisini sleppa at sita við borðini.