2. - 4. mars verða vikuskiftismøtir við Carl-Gustaf Severin í Kelduni. Carl-Gustaf hevur verið í Kelduni tvær ferðir áður í samband við páskastevnur, seinast var í 2013.
Carl-Gustaf er ein trúarprædikumaður, sum hevur talað í stórum pørtum av heiminum, herav serliga í Russlandi og fyrrverandi Sovjetsamveldinum. Hann hevur upplivað nógvar grøðingar og sterkar vitnisburðar.
Tey, sum hava hoyrt Carl-Gustaf, kenna eisini til hansara serligu evnir at greiða frá hendingum í hansara lívi á ein livandi og skemtligan hátt. Við á ferðini er kona hansara Monika.
Lisa Ferderiksberg hevur sangframførslu fríggjakvøldið, Terje Vestergaard leygarkvøldið og Birgit, Kristina og Heidi framføra sunnukvøldið.
Skráin fyri møtini:
- Fríggjadagin 2. mars kl.20
- Leygardagin 3. mars kl.20
- Sunnudagin 4. mars kl.11
- Sunnudagin 4. mars kl.18
Matstovan er opin aftaná kvøldmøtini.