Planetshakers á pall í annaðkvøld
Sonja I. Jacobsen, 17.05.2016

Heimskendi lovsangsbólkurin Planetshakers kemur til landið í kvøld og fyrireikingar til konsertina í annaðkvøld eru í hásæti.

 

Fyrireikarnir siga, at yvir 600 atgongumerki eru seld í forsølu og at møguligt verður eisini at keypa við dyrnar.

Atgongumerki kunnu avheintast ella kepyast í Kelduni frá kl. 18. Eisini verður matstovan opin frá kl.18 - 20. Har verður grillmatur, kaffi o.a. at fáa.

 

Planetshakers, sum í løtuni eru á konsertferð um okkkara leiðir, eru upprunaliga úr Australia, men hava seinnu árini verið sera virkin á altjóða pallinum. Síðani 1997 hava tey givið út meiri enn 20 altjóða fløgur og vunnið fleiri virðislønir.

 

Bólkurin kemur beinleiðis úr Sveis og fer til Hollands at hava konsert hósdagin.

Sí fleiri greinar